Рускиот УФЦ борец Кабиб Нурмагомедов, оствари убедлив триумф во четвртатата рунда против Ирецот Конор МекГрегор, по што го прескокна кафезот и се фрли кон тимот на ирскиот борец за да се пресмета и со нив.

Тоа предизвика вистински хаос во „Т-Mobile“ арената во Лас Вегас. Во општата пресметка што се прошири и на рингот и околу него, се вклучија и луѓето од тимот на рускиот борец, што оневозможи ефикасна реакција на обезбедувањето, но и на полицијата.


Таквата реакција на Кабиб Нурмагомедов доаѓа како експлозија на гнев од неколкуте вербални и физички напади што Ирецот и луѓето и неговиот камп ги вршеа кон него во текот на промоцијата на борбата, што го доби епитетот најголема во историјата.


Набојот на емоции по борбата беше толку голем што дури и некои од фановите присутни во салата, по дуелот одлучија да ја бранат честа на своите идоли и се впуштија во меѓусебна пресметка.