Репрезентацијата на Шпанија е новиот европски фудбалски првак откако вечерва во Берлин, во финалето на превенството славеше со 2-1 (0-0) над Англија. Ова е четврта титула европски шампион за Шпанија што ја прави најтрофејна нација на европските првенства.
Финалето беше решено на четири минути пред крајот, а Шпанија стана прва репрезентација која со седум победи од седум меча стигнала до европската титула.
Првото полувреме не понуди многу возбудувања и динамична игра и најголемата шанса ја имаше Фил Фоден пред неговиот истек. Фудбалерот на Манчестер Сити доби една топка на 7-8 метри од голот, опасно шутираше, но Унаи Симон мирно интервенираше.
Шпанците поведоа на стартот од вториот дел со голот на Вилијамс по асистенцијата на Јамал.
![](https://republika.mk/wp-content/uploads/2024/07/450693486_1029442075214854_3647292803325044269_n.jpg)
Следуваше израмнувањето на Англичаните со погодококот на членот на Челси, Палмер, асистент беше Белингам.
И кога можеби сите помислија дека овој меч оди во продолженија, тоа не го дозволи Шпанија.
Во 86. минута по асистенцијата на Кукуреља победата и титулата за Шпанија ја донесе Ојарзабал кој ја затресе англиската мрежа од непосредна близина.
Comments are closed for this post.