Пол Џорџ постигна 47 поени, од кои дури 25 во последната четвртина со што ја предводеше Оклахома сити до неверојатен пресврт против Бруклин нетс.

„Громовите“ губеа и со 20 поени во последната четвртина, но предводени од Џорџ го добија овој дел од средбата со 39-19.

Својот одличен настап, Џорџ го збогати со фатените 15 скокови, како и со тројката за победа постигната на 3,1 секунди до крајот.


Покрај Џорџ, одличен натпревар одигра и Расел Вестбрук кој оствари трипл-дабл од 21 поен, 17 асистенции и 15 скокови. Тоа за Вестбрук е 108 трипл-дабл во кариерата со што го премина Џејсон Кид на вечната листа. Пред Вестбрук сега се само Оскар Робертсон со 181 и Меџик Џонсон со 138 трипл-дабл остварувања.

По оваа победа, Оклохома сити се искачи на второто место во Западната конференција со една победа помалку од лидерот Денвер нагетс.

Резултати од синоќешните натпревари

Бруклин – Оклахома сити  112-114

Кливленд – Голден Стејт   105-129

Орландо – Денвер  118-124 (прод.)

Атланта – Вашингтон  117-131

Торонто  – Филаделфија  113-102

Милвоки – Детроит  115-92

Минесота  – Шарлот  121-104

Њу Орлеанс – Далас  132-106

ЛА Лејкерс – Сан Антонио  121-113

Мемфис – ЛА Клиперс  96-86