Воскопулос: Грчките националисти си го тераат она што го сакаат

За припадниците на македонското малцинство во Грција очекувана е најавите на грчките судови да го укинат изучувањето на македонскиот јазик во Лерин кое воопшто не е ни започнато.

Павле Воскопулос од партијата „Виножито“ за „Пресинг ТВ“ вели дека грчкото општество се уште не е подготвено да се слушне и изучува македонскиот јазик во северниот дел.

Тоа нема врска со Договорот од Преспа . Зависи дали сакаат  малцински права.Грчките националисти си  го тераат она што го сакаат-коментира Воскопулос.

Основачите на Центарот за македонски јазик во Лериндобиле покани за на суд по приговорот на јавниот обвинител за укинување на првостепеното судско решение за регистрација на ова невладино здружение на Македонците во Грција.

Како што дознава МКД.мк, во образложението грчките правосудни органи се повикуваат на Преспанскиот договор и постоењето на македонскиот јазик само во рамките на границите на Македонија.

Барањето за забрана за изучување на македонски јазик е резултат наПреспанскиот договор и неговото толкување дека македонскиот јазик е распространет само во рамките на границите на денешна Република Македонија.

Што пишува во членот 7 од договорот од Преспа

Страните прифаќаат дека нивното односно разбирање на термините „Македонија“ и „македонски“ се однесува на различен историски контекст и културно наследство.

Во однос на Првата страна, овие термини ја означуваат не само областа и народот во северниот регион на Првата страна, туку и нивните одлики, како и елинската цивилизација, историја, култура и наследството на тој регион од антиката до денешен ден.

Во однос на Втората страна, овие термини ја означуваат нејзината територија, јазик, народ и нивните одлики, со нивната сопствена историја, култура, и наследство кои се особено различни од оние кои се наведени во член 7, став (2).

Судот во Лерин приговорите во грчкиот второстепен суд  ќе ги разгледува на 19 јануари и 2 февруари.

Оваа рекција во Грција е очекувана откако пред неколку недели во Лерин се одржа голем протест против најавата дека во нивниот регион ќе се учи на македонски јазик.