Србија е во најтесниот избор за изградба на фабриката на „Фолксваген“ во Источна Европа, пишува весникот „Новости“.

Според весникот, фабриката би требало да биде изградена во реонот на Шумадија, а производството на возила би требало да почне од 2023 година. Годишно би се произведувале 300.000 возила.

Треба да бидат вработени 5.000 работници ,а вкупната инвестиција треба да достигне 1.4 милијарди евра.

Иако постоеја информации дека фабриката би можела да се гради и во Македонија, вицепремиерот Кочо Анѓушев вчера потврди дека сето тоа е шпекулација.