Косовскиот премиер во оставка, Рамуш Харадинај, порача дека Србија никогаш повеќе нема да има работа во Косово и дека државата го има суверениетот врз целата своја територија.

По повод последните написи во српскиот печат дека наводно постојат сведоштва за негови воени злосторства, Харадинај на својата страница на Фејсбук напиша дека таквите информации доаѓаат од остатоците на режимот на поранешниот српски лидер Слободан Милошевиќ.

Остатоците на Милошевиќ не престануваат! Ниту јас нема да престанам да ја држам Србија надвор од Косово. Ја зајакнавме нашата држава со војска и преку таксите го заштитивме нашиот пазар. Косово е суверена држава на сета своја територија и Србија веќе никогаш нема да има работа тука – напиша Харадинај.

Mbetjet e Millosheviqit nuk po ndalen! As unë nuk do të ndalem që ta mbajë Serbinë jashtë Kosovës. Fuqizuam shtetin tonë…

Posted by Ramush Haradinaj on Saturday, August 24, 2019

Поранешниот заменик-обвинител на Србија за воени злосторства, Драгољуб Станковиќ во интервју за белградска „Политика“ изјави дека Харадинај од Хашкиот трибунал за воени злосторства во 2008 бил ослободен од вината за дела од 1 март до 30 септември 1998.

Меѓутоа, како што изјави Станковиќ, новиот меѓународен Суд за воени злосотрства во Косово, кој минатиот месец го повика Харадинај на распит во својство на осомничен, ќе го суди за злосторства по споменатиот период, за што српското обвинителство наводно располага со докази и истите ги доставило на судот.