Драго Ј од Бели Манастир близу Осијек е детето а подоцна и човек кој поминал цел век во само една соба.

Неговата приказна  го обиколи целиот Балкан.Тој е роден во далечната 1948 година, а повторно почнал да постои дури во 2007 година. Имено, до март истата година, мајката на Драга Вероника го криела од светот. Заклучен во соба, со решетки на прозорецот, Драго живеел повеќе од половина век. За апсурдот да биде уште поголем, куќата на ужасот била на само неколку стотини метри од центарот за социјална работа Бели манастир, објави Вечерњи лист.

„Невидливиот човек“ поминал 59 години од животот во куќата, на улицата Владана Десниче, во Бели Манастир, на број 26.

Сите заборавиле на него не ни знаеја дека постои. Одвреме-навреме, мештаните, ноќе, кога светело светлото, гледалр силуета на маж во куќата, но не знаеле дека тоа е синот што мајката од раното детство го заклучувала во куќата бидејќи имал ментални проблеми.

Драго никогаш не запознал други луѓе бидејќи никој, освен неколку членови од неговото семејство никој  не знаел за него. Не си играл со врсниците, не славел родендени, не одел на училиште…

Драго не излегувал од дома, не видел сонце, беше затворен 24/7 во четирите ѕида од неговата мала соба.

Драго последен пат е запишано во документите во 1978 година. На 7 март, Комисијата за попреченост во Осиек забележа дека тој во Шалата бил третиран како четиригодишно дете. Се споменува и отпусна листа на детската клиника Ребро, од 1963 година, кога на несреќното момче му била констатирана тешка ментална ретардација.

Експертите тогаш изјавиле дека тој не зборува, иако добро слуша. Го опишаа како мирен, расплакан и ментално заостанат.

Мајката Вероника била Унгарка, од нивната куќа најчесто се слушал унгарскиот јазик. Подоцна се испоставило дека Драго не разбира хрватски, бидејќи мајка му во текот на животот со него зборувала само на унгарски.

Сега тој е сместен во згрижувачко семејство, кај Валерија Мориќ, во Кнежеви Виногради.

Зошто семејството го осудило болниот Драго на строга казна домашен притвор, без разлика дали се срамеле од него или се плашеле од неговото непредвидливо однесување, родителите на Драго таа тајна ја однеле со себе во гроб.