ЦИА и МИ-6 се обидуваат да ја откријат стратегијата што претседателот Александар Вучиќ ја изготви за заштита на Србите на северот на Косово по формирањето на косовската војска.

Како што објави Република.рс, ЦИА прислушкува повеќе од 40 лица од државниот и воениот врв, меѓу кои и најблиските соработници на Вучиќ за да дознае што предвидува тајниот план.

Она што ги разлути западните служби е пораката на Вучиќ веднаш по формирањето на косовската војска недвосмилени најави дека Србија ќе го заштити својот народ на Косово.

-Во случај на напад ќе го заштитиме нашиот народ на Косово-беше јасен Вучиќ.

Овој план засега го знаат само неколкумина најблиски соработници на Вучиќ па затоа разузнувачките служби се обидуваат на секаков начин да дознаат за што се работи.