Снегот кој повеќе од 24 часа паѓаше на територијата на речиси целиот Балкан, предизвикува проблеми во сообраќајот и застои на повеќе патни правци.

Во поголемиот дел од Србија во сила е црвен метео аларм, поради очекуваните нов снежни врнежи, пред се во јужните, централните и западните делови на земјата.

Формираната снежна покривка е со дебелина меѓу 15 и 30 сентиметри, а наместа достигнува и до 40 сантиметри, што предизвикува проблеми во одвивањето на сообраќајот, особено во планинските подрачја.

Поради големите снежни наноси неколку патни правци во запдниот дел на Босна и Херцеговина се целосно затворени за сообраќај, а на повеќе други е воведена забрана за движење на товарни возила.

Босанските медиуми наведуваат дека во југозападна БиХ се регистирани силни ветрови, кои го разнесуваат снегот и создаваат наноси на патиштата.

Во Хрватска, пак, поради силниот ветер забранет е сообраќај за камиони со приколки на патините правци од континенталниот дел на земјата кон Далмација, како и на дел од автопатот Загреб-Риека.

Поради силниот ветер, целосно е во прекин сообраќајот на една делница од автопатот А1, што го поврзува Загреб со Далмација, како и на неколку места долж Јадранската магистала.