Времето во Македонија е облачно со повремени врнежи од снег, претежно со слаб, а во западните и јужните делови на места со умерен интензитет. Дува засилен, на повеќе места и силен северен ветер со до 80 км/час.

Во текот на денот ќе продолжи да дува умерен до засилен северен и североисточен ветер. Кон крајот на денот облачноста почнувајќи од север ќе се намалува. Максималната температура ќе достигне од -5 до 2 степена.

Во Скопје, претпладне облачно со слаби врнежи од снег и со умерен до засилен ветер од северен правец. Попладне облачноста ќе се намалува. Температурата до -1 степен.

Како што соопштија од УХМР,  од утре следува период на суво и ветровито време со ниски утрински температури, а дневните ќе бидат во благ пораст.