„Светлината на Илинден блесна двапати во нашата историја. Првиот пат, во 1903 година, со илинденската епопеја, која заврши со Крушевската република. Првата Република на Балканот која на почетокот на 20 век силно го пренесе во светот гласот за остварување на вековниот сон за сопствена држава на Македонците и на своите браќа и другари од другите народи кои живееја, живеат и ќе живеат на овие простори“, рече денеска премиерот Зоран Заев во своето обраќање по повод празникот Илинден.