За успешноста одлучуваат тие што гласаат, а тие што не гласаат не се ни бројат, порача премиерот Заев пет дена пред одржување на референдумот. Според него, резултатите од референдумот ќе дадат и насоки за политичарите, во однос на прашањето за предвремени избори, ако референдумот е неуспешен.

Ако има мнозинство со „против“ макар и еден глас повеќе, тоа значи јас и Парламентот сите го поништуваме договорот. Ако има видливо огромно мнозинство со „за“, тоа значи дека сите, без разлика дали се власт или опозиција, треба да ја следат насоката што ја дале граѓаните. Верувам дека гласот на граѓаните и одлуката на граѓаните е правецот по кој ќе се движат политичките партии. Штом граѓаните одлучуваат, ние, политичарите, ќе добиеме патоказ и само треба да го следиме тој патоказ, рече Заев и додаде дека референдумот како идеја потекнува токму од опозициската ВМРО-ДПМНЕ со која се согласуваат дека граѓаните го имаат последниот збор.

Заев се осврна и на економската политика – неуспешен референдум не значи девалвација на денарот, додаде тој.

Стабилен е денарот, финансиската моќност на банките и на Народната банка се добри, а е силен перформансот и на економијата, финансискиот капацитет на државата е зајакнат, стабилен е и буџетот, економијата расте, растат и странските инвестиции. Можеме само да го зајакнуваме денарот, рече Заев.

Toj додаде дека прашање е дали по успешниот референдум сето ова ќе биде уште поимпозантно и подобро и дали ќе има раст што граѓаните практично ќе го почувствуваат.

Прес-конференција со министерката за правда, Рената Дескоска

Заедничка прес-конференција со министерката за правда, Рената Дескоска за намалување на трошоците на граѓаните во постапките пред извршителите и нотарите.

Posted by Zoran Zaev on Tuesday, 25 September 2018