Три медицински сестри на Клиниката за гинекологија и акушерство се позитивни на коронавирусот. Според извори на Алфа од клиниката, тие се заразиле при контакт со свои блиски лица надвор од болницата.

Истовремено, доктор гинеколог од истата клиника е во самоизолација поради контакт со позитивен член на семејството, но докторот се тестирал и неговиот резултат е негативен. Директорката на клиниката Викторија Јовановска исто така е во самозиолација но и таа е негативна на корона.

Од ГАК за Алфа велат дека работат согласно со сите протоколи за заштита и дека нема опасност некоја од сестрите да го пренесе вирусот на колегите или на пациентите, затоа што тие подолго време биле во самоизолација и не доаѓале на работа.