Откако обвинителот Бурим Рустеми побара осудителна пресуда за случајот „Топлик“, излагање имаше адвокатот на одбраната Дончо Наков.

Тој исткна оти е јасно дека во овој случај нема побарувања за штета кон државниот буџет.

-Денеска на завршните зборови никој не пријави штета, ниту висина на истата. Државниот правобранител не побара такво нешто. Не може обвинител да бара штета. Тој презеде улога на оштетен, надвор од овластувањата, објасни Наков.

Адвокатот истакна дека обвинителот Рустеми нема право да биде застапник на ова обвинение само со полномошно, што му го дал државниот обвинител Јовески, за предметите преземени од СЈО, туку само врз основа на закон кој не е донесен.

-Рустеми не е обвинител во Обвинителството за организиран криминал, туку е обвинител од Куманово. Ова обвинение го застапува незаконски обвинител. Обвинителството знаело дека нема такви овластувања, но се согласило да го застапува ова обвинение, потенцираше Наков.