СДСМ и Заев донесоа црнила за младите во Република Македонија. СДСМ ги разочара младите. Дури 83,7 проценти на млади лица на анкетата на порталот Факулетит.мк одговориле дека би заминале од Република Македонија кога би можеле и би имале шанса. Фрапантни се процентите кои покажуваат дека младите не се задоволни од оваа криминогена влада на СДСМ на која единствен приоритет и се бизнис интересите и милионските тендери склучени во четири очи, стои во соопштението на ВМРО-ДПМНЕ од каде додаваат:

„Младите се најголемата жртва на лагите и манипулациите на криминалната влада на СДСМ и Зоран Заев, се што им ветуваа брда и долини, а немаат направено ништо. За СДСМ младите никогаш не биле приоритет. Младинската гаранција, изградба на студентски град и тоа во првите 6 месеци од преземањето на функцијата како и подобрување на студентскиот стандард, погодност за студентите и младите невработени на СДСМ се проекти кои останаа само празно слово на хартија.“

Од ВМРО-ДПМНЕ потенцираат дека СДСМ и Заев ги измамија младите и за скоро две години од нивниот мандат освен што ги излажаа и манипулираа студентите, покажаа дека немаат намера да направат ништо добро за младите.

Фокусот на ВМРО-ДПМНЕ е во младите. Затоа ВМРО – ДПМНЕ во новата програма планира пристапи кои ќе ги поттикнат најдобрите студенти, ќе направат мост помеѓу образованието и бизнис заедницата, ќе ги подобри состојбите во образованието и ќе понуди остварливи цели за нормализирање на животот на младите, тука, во Македонија. СДСМ и Заев се директно одговорни за уништување на младите и затоа мора час поскоро да заминат. На Македонија и требаат млади кои одново ќе треба да ја издигнат државата од пустошот кој го направи Заев и СДСМ, се додава во соопштението на ВМРО-ДПМНЕ.