Камион вечерва се извртe и го блокираше автопатот Скопје-Гевгелија, на околу два километра пред Неготино, повредени нема.

Го извлеков возилото за да биде прооден патот. Всушност, го извлеков на страна контејнерот кој беше паднат од возилото. После тоа го извлеков камионот за да биде прооден патот – изјави за МИА, Митко Вангелов од Неготино кој со камион се враќал од Скопје, па помогнал со сајла да се извлече возилото.

Од неготинската полиција го потврдија настанот, но од МВР засега нема повеќе детали.