Министерот за здравство Венко Филипче вели дека нема ретерирање и остануваат на ставот невакцинирани деца да не ги примаат во училиште и градинка.

По неофицијалните информации дека во некои училишта не ја почитуваат одлуката и примаат деца без примени вакцини, Филипче најави дека неделава ќе заседава Комисијата за заразни болести и не е исклучена можноста да има нови препораки.

Министерот најави дека ќе бидат засилени и контролите на Државниот санитарен и здравствен инспекторар и ќе има казни за тие што не ја почитуваат одлуката. Во меѓувреме, и покрај почетокот на учевната година нема зголемување на бројот на заболени од морбили.