ВМРО-ДПМНЕ се подготвува за следниот циклус претседателски избори, изјави претседателот на партијата Христијан Мицкоски за време на денешната посета во Битола.

Лидерот на опозициската ВМРО-ДПМНЕ посочи и дека доколку парламентарното мнозинство донесе одлука, партијата што ја предводи, е подготвена и за предвремени парламентарни избори.

ВМРО-ДПМНЕ ќе ги издржи сите притисоци, ВМРО-ДПМНЕ од ден на ден е се посилно, ВМРО-ДПМНЕ се подготвува за следниот претседателски изборен циклус, кој ќе се одржи напролет, а доколку парламентарното мнозинство одлучи, ВМРО-ДПМНЕ е подготвено за предвремени или редовни парламентарни избори, истакна Мицкоски.

Посочи дека се надева дека многу скоро Република Македонија ќе ја добие заслилената шанса да биде дел од европското семејство, затоа што, како што рече, на крајот од денот, интерес на сите граѓани и на сите политичари е Македонија да успее.

На конгресот во Хелсинки остварив повеќе средби со претставници на сестринските партиии, ги информирав за политичкиот прогон на членови на ВМРО-ДПМНЕ, за предизвиците пред кои е исправена партијата ВМРО-ДПМНЕ во Македонија и други актуелни општествено политички теми.

Мицковски дополни дека ја искористиле можноста во Хелсинки да побараат од сестринските партии да лобираат Македонија што е можно побрзо да стане дел од европското семејство.

Делегација на ВМРО-ДПМНЕ предводена од претседателот Христијан Мицкоски денеска во Битола присуствуваше на чествувањето на стогодишнината од крајот на Првата светска војна