Забранетата книга на поранешниот претседател на Собранието, Стојан Андов повторно во продажба, откако Апелациониот суд ја укина времената мерка на Основниот суд Скопје 2 да се забрани продажбата на книгата „До атентатот и по него“ .

Апелација ја прифатила желбата на адвокатот на Андов, Звонко Давидовиќ, кој вели одлуката на првостепениот суд да ја забрани книгата е прејудицирање на пресудата.

Времената мерка беше донесена по барање на тужителот. Професорот Љубомир Фрчкоски го тужи Андов за клевета, бидејќи во книгата се зборува за неговата улога во атентатот на поранешниот претседател, Киро Глигоров. Давидовиќ објаснува дека Фрчковски не е наклеветен, бидејќи, како што вели, Андов пишува за пропустите во истрагата во тоа време, а тврдењето, додава, го поткрепува со факти и со дадени изјави.

По одлуката на Апелација времената мерка се враќа во првостепениот суд на повторно одлучување. Се додека судот повторно не се произнесе, додава адвокатот, книгата на Андов може слободна да се продава и реиздава.