Со оглед на обвинителниот акт против екс министерот за транспорт и врски Миле Јанакиевски во случајот „Т.Н.Т.“, во кој се вели дека мотив е одмазда на Фијат Цановски за неговата одлука кој како претседател на политичката партија „ПЕИ“ ја напуштил коалицијата со ВМРО-ДПМНЕ и склучил коалиција со СДСМ, Јанакиески му поставуваше политички прашања на сведокот-вештак Мирослав Грчев.
Овој начин на испрашување е и согласно членот 217 од ЗКП, но судијата Огнен Ставрев не дозволи Грчев да одговора на прашањата. Сепак, Јанакиески цитираше делови од колумни во кои Грчев повикува на „рушење на власта на ВМРО-ДПМНЕ и спроведување на Нирнбершки процес“.
Во врска со колумната од 2015 година „Збор за бубашвабите“, Јанакиески го праша Грчев дали според колумната тој и екс градоначалникот на Гази Баба Тони Трајковски се бубашваби кои треба да се згазат.
Во колумната пишувате за затворски казни кои ќе имаат ефект. Дали сметате дека треба да бидеме осудени и да добиеме затворски казни? Дали сметате дека јас и членовите на ВМРО-ДПМНЕ сме црви кои треба да бидеме уништени, како што пишувате во вашите колумни, праша Јанакиески.
Comments are closed for this post.