Времето во земјава ќе биде променливо облачно и нестабилно со локален пороен дожд и краткотрајно засилен ветер особено попладне. Наместа процесите ќе се поинтензивни и проследени со грмежи.

Минималната температура ќе биде во интервал од четири до 10, а максималната од 14 до 20 степени.

Во Скопје ќе биде променливо облачно, од пладне со повремен дожд и грмежи. Минималната температура ќе се спушти до осум степени, а максималната ќе достигне 19 степени.

Променливо облачно и нестабилно време со повремени врнежи од дожд не очекува и во недела. Локално процесите ќе бидат поинтензивни со пороен дожд, а температурите ќе бидат во интервалот од 13 до 20 степени.