Прославената Метрополитен опера во Њујорк вчера ги откажа сите настапи за следната сезона и најави дека ќе остане затворена до септември 2021 година поради пандемијата предизвикана од коронавирус.

Оперската куќа, која може да прими 3.800 гледачи, обично е домаќин на повеќе од 200 претстави годишно, а секоја сезона ја посетуваат скоро 800.000 гледачи, според Метрополитен на нивната официјална веб-страница.

Жалиме да ве известиме дека Метрополитен опера донесе исклучително тешка одлука за откажување на целата сезона 2020/2021, врз основа на препораките на здравствените работници кои работат како консултанти во центарот Мет и Линколн, каде се наоѓа операта, се вели во соопштението на Советот за култура.

Коронавирусот претставува единствен предизвик за местата за настапи, концерти и други настани во живо, а раководството на Метрополитен одлучи дека не може да продолжи со планираната програма се додека вирусот претставува ризик.

Заради стотиците изведувачи кои треба да бидат во близок контакт за време на пробите и настапите и поради големиот број гледачи, беше одлучено дека нема да биде безбедно да се продолжи со програмата се додека масовно не се користи вакцината, се додека не се стекне„имунитет на крдо “и додека се носат маски и се одржува социјална дистанца и повеќе нема да бидат пропишани медицинските мерки, се вели во соопштението на Митрополитен.

За разлика од прославената операта, театрите во Бродвеј, кои се едни од главните туристички атракции на Њујорк, планираат да ги отворат вратите за посетителите од јануари 2021 година.