Српската фолк ѕвезда Цеца Ражнатовиќ преживеа драма кога извесен О.Л. упадна во нејзината вила на Кипар и таму помина неколку дена. Меѓутоа, откако тамошните органи го приведоа и депортираа за Србија, тој продолжи да ја прогонува и таму.

Штом пристигнал во Белград, отишол во црквениот дом во близина на храмот Света Сава и таму ја барал пејачката, пишува српски „Курир“.

Се случуваше среде бел ден, неочекувано. Беше непријатно и вознемирувачко. Непознат човек влета во зградата и почна да вика како Цеца е негова жена, дека ја сака и бара да ја види. Обезбедувањето се обидело на убав начин да му објасни дека пејачката не е во зградата, дека тој се наоѓа во простории на црква и го замолиле да не вика. Меѓутоа тој не ги слушал, а бил насилен и агресивен. Луѓето виделе дека имаат работа со психични нестабилна личност и го исфрлиле надвор“ – вели за весникот добро известен извор.

Цеца била многу вознемирена од ова случување.

Да, слушнав што се случило и тоа не е нималку пријатно. Таа вест ме потресе. Се чувствувам загрозено, но верувам дека ситуацијата ќе се смири и дека тој човек ќе сфати дека е непримерно тоа што го прави“ – вели пејачката за „Курир“.

За време на притворањето на Кипар, О.Л постојано повторувал дека пејачката е негова жена.