Социјалната мрежа “Facebook“ денеска слави 15 години од создавањето. Историјата  на оваа социјална мрежа, може да биде перцепирана како клише на американски успех: старт ап, бизнис започнат во универзитетски дом, а во моментов е една од десетте најголеми јавни компании во светот.

Творбата  на Марк Цукерберг, која  започна како социјална мрежа за универзитетското општество во САД, наречено “The Facebook“, сега е име кое буди силно поларизирани мислења. Поради огромниот обем, неговиот бизнис модел и неговата индиректна тежина на општеството на глобално ниво, Фејсбук е една од највозбудливите корпоративни приказни за дигиталната економија.

Големо влијание

Денес, точно 15 години по неговото создавање (основано на 4 февруари 2004 година), “Facebook“ има 2,3 милијарди корисници кои ја користат мрежата најмалку еднаш месечно. Од нив, секој ден ја  користат 1,5 милијарди долари. Ако ги земеме предвид сите апликации во сопственост на Фејсбук: Messenger, Whats App и Instagram, компанијата има 2,7 милијарди месечно активни корисници. Компанијата со сличен број на клиенти досега не постоела.

Фејсбук е создаден за поврзување на луѓе и до ден-денес компанијата тврди дека ова е нејзината главна цел. Компанијата целосно ја трансформира интернет културата, не само со “допаѓање” и “споделување”, туку и со борбата да се ангажира што е можно повеќе корисници колку што е можно подолго.

Машина за пари

Освен културниот феномен, Фејсбук е пред сè вистинска машина за пари – со приходи од 55 милијарди долари за 2018 година и профит од 22 милијарди долари. Скоро целиот промет на компанијата доаѓа од реклами.

Социјалната мрежа им овозможува на сите да рекламираат,  со повеќе алатки за насочување специфични демографски профили на корисници. Ова ја прави мрежата особено погодна за политички кампањи. Наводите дека Фејсбук преку својата платформа имала  обиди да интервенира на американските избори во 2016 година, како и неколку скандали што се појавија во мрежата, влијаеше  врз имиџот на компанија.

Друга критика на политичката линија на Фејсбук е дека компанијата има премногу моќ да ги цензурира мислењата. Најчестите критики се од конзервативните политичари кои веруваат дека Фејсбук ги цензурира конзервативните мислења, според правилата на политичка коректност.

Друга голема критика на Фејсбук е тоа што не го дистрибуира огромното богатство на располагање. Со приход од 55 милијарди долари минатата година и пазарна капитализација од 472 милијарди долари, Фејсбук има само 32.000 вработени,  со 40% зголемување на персоналот во текот на изминатата година. Огромното мнозинство од овие вработени ја гледаат масивната огромна содржина што корисниците генерираат секој ден.

Фејсбук ја започнува својата 16-та година по досега најлошите 365 дена во својата историја. Дури и по ноќниот кошмар во 2018 година, компанијата останува составен дел од секојдневниот живот на една четвртина од светското население, кое останува највредното богатство на светот.