Сериозен удар на економијата ќе значат ЕУ квотите за алуминиум и челик. Ова е ставот на македонските производители, по информацијата дека Европската Унија воведува заштитни мерки за увоз на на производи од челик, алуминиум и железо со кои е опфатена и Република Македонија, односно се воведуваат квоти за извоз на овие производи во ЕУ кои откако ќе бидат исполнети се воведува царина од дури 25%.
Митко Кочовски од Макстил вели дека можноста за пласман на македонските пазари е органичена, односно дека 70% се пласира на европскиот пазар и алтернативен пазар нема. На овој начин ќе се намали учеството на оваа индустрија во преработувачкиот сектор. Погодени ќе бидат и над илјада вработени во оваа индустрија, вели Кочовски од Макстил. Од Макстил ја потврдуваат прогнозата на вицепремиерот Османи дека загубите на Македонија годишно би биле над сто милиони евра.
И додека, засегнатите компании стратуваат за последиците од ограничувањата на извозот на челикот , министерот за финансии Драган Тевдовски не очекува квотите од ЕУ за македонскиот алуминиум и челик да се одразат негативно за економијата.
Вели дека најавата од Европската Унија да воведе квоти со кои се ограничува извоз на челик и на алуминиум од Македонија во Европската Унија во рок од три години е процес кој не е завршен и се надева тоа нема да се одрази на планираниот економски раст.
Тој процес сè уште не е завршен, се одвива преку Министерството за економија и со вицепремиерот за европски прашања, секако и Министерство за финансии ќе помогне во тој дел. Очекуваме дека тоа нема да се одрази неповолно на економијата и сметам дека сè уште има простор да се избориме поповолна состојба, рече Тевдовски
Македонија заедно со Турција и Русија спаѓа во групата на која ЕУ воведе заштитни мерки со кои се ограничува увозот на челик и алуминиум. Привремените мерки ЕУ ги воведе во јули, а овие конечните ќе траат 3 години.
Comments are closed for this post.