Претседателот на ВМРО-ДПМНЕ, Христијан Мицкоски вели дека ништо драматично нема да се промени во економијата со оваа влада и ние се уште ќе бидеме во рецесија односно БДП во минус.
Тој тоа го изјави при посетата во Штип, одговарајќи на новинарско прашање, при што посочи дека не е оптимист дека ќе има подобрување за овој квартал, а своето мислење го базира имајќи ги предвид параметрите кои се однесуваат на индустриското производство, преработувачката индустрија, странските инвестиции итн.
Мицкоски накратко ги анализираше владите на ВМРО-ДПМНЕ и владата на СДСМ и Зоран Заев при што посочи дека за време на владите предводени од ВМРО-ДПМНЕ, парите кои се позајмувале биле вложени во стопанството и се генерирала додадена вредност, додека со СДСМ нема таква работа, а парите се украдени.
Јасно и кратко да објаснам, анализирав два периода. Првиот период се владите на ВМРО-ДПМНЕ, а вториот период е владата на СДСМ предводена од Зоран Заев и Оливер Спасовски. Во првиот период БДП, односно што го произведуваат граѓаните пораснало за 4,2 милијарди евра, а долгот во тој период пораснал за 2,9 милијарди, што значи дека тоа што се позајмило било вложено во стопанството и генерирало додадена вредност. Додека пак во вториот период на владата на СДСМ и Зоран Заев имаме 700 милиони вера раст на БДП, но и раст на долгот од 1,7 милијарди евра, што значи дека немаме додадена вредност, туку одземена вредност од 1 милијарда евра, рече Мицкоски.
Тој истакна дека тоа се украдени пари, кои некаде во кеш сега се складирани и пари кои оваа влада ги злоупотреби.
Ако некој има било какви дилеми како владее Зоран Заев овие бројки го даваат одговорот на таа дилема со многу криминал, многу корупција и пљачка, нагласи Мицкоски.
Comments are closed for this post.