Подготовката на ребалансот на Буџетот за 2019 година е во финална фаза и ќе даде поддршка на капиталните проекти и на новите мерки за повисоки плати и за подобри услуги за граѓаните, објави премиерот Зоран Заев на својот фејсбук профил по средбата со новата министерка за финансии Нина Ангеловска и заменичката Ширет Елези.

Драго ми е што се зголемува и бројот на жени во Владата на Република Северна Македонија. Продолжуваме со поддршката на родовата еднаквост и јакнење на влијанието на жените врз политичките случувања во државава. Министерката Нина Ангеловска и заменичката Ширет Елези ја имаат мојата целосна поддршка да управуваат со државната каса следејќи го интересот на граѓаните, напиша премиерот Заев.