Според најновата анкета на американскиот НДИ, граѓаните ги детектираа четирите најголеми проблеми со кои се соочуваат.

Тоа се економската ситуација во државата, невработеноста и создавањето на нови работни места, здраството и справувањето со корона кризата.

Ова е за очекување ако се знае лошата економска состојба во државата, зголемувањето на бројот на невработени и намалувањето на странските инвестиции. Ништо подобра не е ниту ситуацијата во здравството а тоа најдобро се виде кога дојде корона кризата.

Долго време бевме единствената земја од регионот што немаше вакцини а потоа вакцинацијата почна со донациии, најмногу од Србија. Затоа, голем број граѓани наместо во својата земја одеа токму во Србија да се вакцинираат.