Трета година како Заев и неговиот тим дрско лажат дека ќе го рестартираат Југохром, по трет пат пролонгираа едно исто ветување. Последното беше дека тоа ќе се случи сега во мај-јуни, но за жал нема ништо од ова нивно ветување, потсети денеска лидерот на опозицијата Христијан Мицкоски.

Да ги тргнеме розевите очила на Заев и Владата на страна, и ќе видиме гола борба за егзистенција на нашите граѓани.

На почетокот од својот мандат, Премиерот Заев и Вицепремиерот Анѓушев ветија рестартирање на Југохром од Јегуновце што би значело работа за 1 200 семејства кои би обезведиле егзистенција во Полошкиот дел на Македонија. Две години потоа и континуирани ветувања дека само што не почнало рестартирањето на Југохром, немаме ништо во реалноста, вели Мицкоски.

Мај помина, јуни дојде и минува, Југохром не е рестартиран, потсети Мицкоски, додавајќи дека поминува третата година на власт на Заев и неговиот како што го нарекува цунами економски тим, а немаат исполнето ниту едно клучно ветување. Уште една измама на Заев, уште едно нереализирано ветување.

Премиерот и вицепремиерот гледаме како забораваат на ветеното и сега се дистанцираат од проблемите. Со други зборови отворено не ја говорат вистината и лажат на рати. Постојано нови ветувања и повторно изневерени очекувања.

 

Јас и минатата година потсетив на ветувањето на Владата за Југохром кое сега гледам дека го забораваат, и ќе ги потсетувам постојано на нивниот срам од изневерените очекувања затоа што за жал некако стана нормално оваа Влада да се служи со измами кои се почесто ги има и кои стануваат нивно (но уште полошо) и наше секојдневие.

 

Се работи за животи на луѓе, нивни судбини, и тука нема политика, туку чиста неспобност на Владата да ги реши проблемите. Не може да се исперат со никакво неиздржано оправдување или посочување на вината во некој друг. Ветувањата се нивни исто како и срамот од лагите.

 

Имаме економски крах кој се потврдува со официјални бројки, но и преку реалниот живот на граѓаните, а тоа е зошто Владата не работи, додека криминалот и корупцијата расте.

 

На Македонија и треба обнова, рестартирање на економијата и резултати. И треба програма која издржана, детална и ќе понуди реални решенија изработени преку искуствата од развиените земји. Програма со која Македонија ќе стане напредна земја со силен стандард. Ние работиме на тоа, додаде Мицкоски.