Следната недела во САД ќе започне депортација на милиони илегални имигранти, напиша Трамп на Твитер.

Според него, имигрантите „ќе бидат протерани исто толку брзо како што и дошле“. За депортацијата ќе се погрижат миграциската и царинската служба на САД.

„Вашингтон Пост“ укажа дека таквите акции на властите обично се чуваат во тајност. Според весникот, најверојатно станува збор за депортација на семејства со деца. Во некои случаи тие можат да бидат разделени бидејќи децата имаат државјанство а родителите не.

Возрасните можат да бидат депортирани додека децата се наоѓаат в школо, градинка или се на летен камп, наведува весникот.

Активистите за човекови права и опозиционерите од Демократската партија реагираа на најавата на Трамп, споредувајќи ја мигрантската политиката на Вашингтон со најлошите практики на тоталитарните режими на 20 век.