„Собранието ми изгледа како затворена институција и ќе залагам тоа да биде повеќе отворено за граѓаните. Она што тогашната опозиција и пречеше, а тоа е носење на закони по итна постапка и со европско знаменце,  денеска сме сведоци дека на секој по карактеристичен закон му се става европско знаменце и се носи без дебата“.

Вака размислува новиот пратеник од редовите на ВМРО-ДПМНЕ, Ѓоко Камчев, кој во Собранието дојде на местото на Никола Груевски, чија оставка беше констатирана пред два дена.

„Треба да се најде причина дека тој закон е усогласување со европската регулатива. Во многу случаи кога ќе се анализираат тие закони тешко се наоѓа каде е тоа усогласување. Тие закони во најголема мера беа злоупотребени од мнозинството во Собранието“, вели Камчев во разговор за Пресинг ТВ.