Времето утре ќе биде променливо облачно со повремени врнежи од дожд, проследени со ретки грмежи, информира Управата за хидрометеолошки работи.

Ќе дува засилен ветер од западен правец, а дневната температура благо ќе опадне. И во наредните два дена во попладневните часови ќе има услови за краткотраен локален дожд, а преодно стабилизирање се очекува в петок кога температурите ќе бидат во пораст.

Утринската температура ќе се движи од 4 до 10 степени, а дневната од 10 до 23 степени. Во Скопје и околината слично време со утринска температура од осум степени, а дневна до 20 степени.

Нови пообилни врнежи од дожд се очекуваат во деновите од викендот.