Околу 2.000 приврзаници на опозицијата во Белорусија се собраа на протест во Минск, за да ја одбележат 101. годишнина од формирањето на Белоруската Народна Република во текот на Првата светска војна.

Белоруската Народна Република била прогласена за независна држава од страна белоруските националисти во март 1918 година, на поранешна руска територија под контрола на германските сили. Оваа држава постоела околу една година и била освоена од страна на војската на Полска и на Црвената армија, на почетокот на Полско-советската војна, што траела од февруари 1919 до март 1921 година.

Годишнините од формирањето на Белоруската Народна Република последниве години станаа традиционален ден за собири на противниците на претседателот на Белорусија, Алексадар Лукашенко.

Организациите за заштита на човековите права соопштија дека полицијата за време на протестот во Минск, го уапсила организаторот на собирот, Змицер Дашкевич.

Покрај во Минск, протести биле организирани и во Брест и Гродно.