За најавената традиционална годишна прес-конференција на рускиот претседател Владимир Путин, закажана за 20 декември, има пријавено рекорден број новинари од руските медиуми, но и известувачи од странство.

На списокот објавен на веб-страницата на Кремљ има 1.640 имиња на претставници на медиумите, што е повеќе од минатогодишниот рекорд.

На првата таква прес-конференција на Путин во 2001 година имаше преку 500 новинари и оттогаш бројот на присутните постојано се зголемува.

На прес-конференциите за време на третиот претседателски мандат на Путин, бројот на новинари се движеше околу 1.250.