Во Германија во третиот квартал од годинава се бараат рекорден број работници , односно има недостаток од 1,2 милиони , јавува Институтот за истражување на пазарот на трудот.
Во споредба со истиот период минатата година, бројот на непотполнети работни места се зголеми за 140 000, се наведува во соопштението од Институтот.
Најголем пораст на побарувачката се бележи во преработувачката индустрија , како и во секторот на услужни дејности со над 600 000 новоотворени работни места. Во градежништвото се отворени нови 108 000 работни места , а во секторот логистика (транспорт и складишта) 87 000.
Најголем број од работните места се за лица со средно и вишо образование (60,8%) , потоа за лица без квалификации (22%) и најмалку за лица со факултетско образование (17%).
Германската економија со години се соочува со мал број работници , пред се поради одењњето во пензија на постојните , што го компензира со увоз на работна сила.
.
Comments are closed for this post.