По долго и тешко боледување, на 67-годишна возраст, почина најголемиот балкански текстописец Марина Туцаковиќ, потврди за Телеграф.рс нејзиниот сопруг Александар Радуловиќ Фута.

-Вистина е, не ме прашувајте. Ви благодарам на разборањето, рекол кусо за Телеграф.

Најпознатата балканска текстописка Марина Туцаковиќ од вторникот беше хоспитализирана. Покрај тешката малигна болест со која Туцаковиќ се бори со години, сега коронавирусот дополнително ја загрози нејзината здравствена состојба.

Според зборовите на директорот на клиниката каде што е сместена, таа уште при приемот во болницата била во животна опасност.

-Некаде прочитав дека Марина веќе не е на респиратор, жената е во екстремно тешка состојба, првенствено поради својата малигна болест, а ковидот само дополнително ја загрози. Жена во таква состојба и обичен грип би ја уништил, а не вакво нешто, рекол професорот Савиќ.