Вечерва Битолскиот театар повторно ги отвора вратите се љубителите на театарската уметност, овојпат со “Молитива по Достоевски“ проект кој е инспириран од делото, животот и философијата на два великана, писателот Фјодор Михајлович Достоевски и поетот, музичар, кант-автор Владимир Семјонович Висоцки.

На прес конференцијата по повод премиерата директорот на Битолскиот театар, Иван Јерчиќ, истакна дека ова е премиера со сопствени средства која ќе се одржи според сите протоколи и со ограничен број на публика.

Публиката никогаш не беше под знак прашалник, имаше јасно наведени протоколи по однос на тоа, најголем беше сценскиот и задсценскиот простор, за жал заради промените во Министертвото за култура, го изгубивме периодот на летото минатата година, бидејќи задоцнија со протоколите. Овој период се надеваме дека се повеќе ќе ги отвораме вратите и да ги одлепиме лепенките од седиштата за забрането седење, вели Јерчиќ.

Испреплетено со музиката на Фолтин, надополнето со драмската изведба на актерите Огнен Дранговски и Катерина Аневска Дранговска, претставата се обидува да ја обедини и соедини нивната музичка и актерска енергија катализирана од сценографот Валентин Светозарев.

Сето ова се поклопува со 200 години од раѓањето на Достоевски кој бил инспирација за многу генерации, акетри, писатели, музичари.

Ја тргнавме работата како музички перформанс, на која воглавно исполнувавме песни од Вицоски и анализирајќи ги стиховите откривме дека се многу блиски по она што Достоевски го пишува, вели Валентин Светозарев, сценограф.

Токму битолскиот театар често пати се навраќал на писателскиот гениј, Достоевски.

На некој начин може да се поврзат со некоја автобиографија, кога сме го читале, работеле, кои сцени останале неизиграни, недоискажани, можеби недоискажани, недобро исрежирани, сега можевме да го направиме по наше. Ние сме вклучени и во музичкиот дел од претставата, сите тие делови се споени, вели Огнен Дранговски, актер.

Премиерата е закажана за 21 и 22 мај во 20:00 часот, а заради ограничените места претходно треба да се направи резервација.