Тв-серијата „Зоки Поки“ ќе се емитува и во Норвешка на националната телевизија

Телевиската серија „Зоки Поки“, по Шведска, ќе се емитува и на Норвешката национална телевизија „НРК“, соопштија од продуцентската куќа „Кино Око“.

„НРК“ е јавен сервис, но и најгледаната телевизија во Норвешка. Од медиумот велат дека речиси секој жител на Норвешка користи барем еден од нивните сервиси во текот на денот. За „Зоки Поки“, тоа значи потенцијал за особено широка гледаност.

Минатата недела беше соопштено дека тв-серијата работена според култната книга на Оливера Николова е откупена од шведската национална телевизија и ќе се прикажува на нивниот национален канал „СВТ“.