Откако дневниот број на новоинфицирани во Австрија остана на постојано високо ниво, но и поради појавата на британскиот вид коронавирус, австриските власти одлучија да ги заострат претходните мерки на заклучување, па од полноќ сите граѓани над 14 години мора да носат маски на високо ниво на заштита ФФП2.

ФФП2 маските мора да се носат во продавниците, јавниот превоз, во сите јавни институции, при посета на лекари, но и кај автомеханичарите.

Овој вид маска мора да се носи на пазарите, без разлика дали е на отворено или во затворен простор, но исто така и ако лицето вози автомобил со друго лице кое не е од неговото домаќинство.

Само бремените жени и лицата на кои не им е дозволено да носат маска од здравствени причини се изземени од оваа мерка.