Претседателот на Собранието Талат Џафери вчера попладне со своја иницијатива поднесе предлог-измени на Деловник на Собранието по скратена постапка со кои бара пратениците да прифатат да работат онлајн, поради пандемијата.

Предложените измени се во насока на непречено работење на Собранието со овозможување на далечинска, односно електронска работа на пратениците со електронско присуство на седниците и работните тела, а во исто време овозможување на остварувањето на претставничката функција”, соопшти Џафери.