Ватиканската полиција вчера  изврши претрес во канцелариите на  државниот Секретаријат на Светиот Престол и Канцеларијата за финансиски информации, запленети се документи и електронски уреди, објави Ројтерс.

Операцијата е исклучително невообичаена  бидејќи секретаријатот на државата е ‘рбетот на бирократијата и дипломатијата на Ватикан и одделот за финансии ги надгледува сите оддели, објави БНР.

Во мислењето на Ватикан не се дадени детали, освен тоа што операцијата уследила  по сигнал во текот на летото на Ватиканската банка и Кабинетот на генералниот ревизор, антикорупциското тело, за „финансиски трансакции“. Според познат извор, акциите се должат на трансакции со недвижнини.