Значително посвежо со повремени врнежи од дожд и локална појава на грмежи најавуваат од УХМР. Додаваат дека долж Повардарието ќе дува засилениот ветер од северен правец, а во остатокот од државата умерен.

Утринската температура ќе се движи од осум до 15, а дневната од 20 до 28 степени.

Во Скопје, променливо облачно со повремен дожд. Ќе дува умерен, повремено засилен северен ветер. Утринската температура ќе се спушти до 12, а дневната ќе се искачи до 24 степени.

Во петок времето ќе биде сончево со мала до умерена облачност. Ќе дува умерен до засилен ветер од северен правец. Потоа во следните денови времето ќе биде стабилно со ниски утрински температури, кои на места ќе се спуштат и до нула степени.