Француските царински органи се подготвуваат за Брегзит без договор, тестирајќи компјутерски системи и камери што скенираат регистарски таблички од камиони од Велика Британија.

Францускиот министер за буџетски прашања Жералд Дарманен денеска ја посети царинската транзитна зона во Нормандија.

Царинските власти велат дека системот е дизајниран да избегне, меѓу другото, редици камиони кои, како што предупредуваат француските власти, би можеле да се формираат во случај на Брегзит без договор.

Француската влада треба да спроведе тестови и да обезбеди ефикасност на дополнителни гранични мерки во наредните неколку недели.