Американската вселенска организација (НАСА) најави дека до 2024 година ќе биде испратена првата жена на Месечината во знак на славење на женското лидерство.

Според претствникот на организацијата Џим Брајденстин, кој учествуваше на настан посветен на жените, организиран од НАСА, посочи дека неговата ќерка била главен мотив во неговата амбиција во блиска иднина жена да се испрати на Месечината.

Имам 11-годишна ќерка и сакам таа да ги има сите можности што ги имав јас додека растев, посочи Брајденстин.

Во моментот во НАСА има само 12 жени активни астронаути, што е помалку од една третина астронаути во вселенската организација.

Брајденстин проценува дека проектот наречен Артемис, според грчката божица на Месечината, ќе чини од 20 до 30 милијарди долари.

Мисијата првично беше планирана за 2028 година, но е предвидена за порано со цел да се минимализира ризикот од промена на политичките приоритети поврзани со вселенските патувања.

Еден од предизвиците со кои сме се сретнувале во историјата е политичкиот ризик, истакна Брајденстин.

Ставот на американскиот претседател Доналд Трамп за таа иницијатива се уште не е познат. Тој во јуни апелираше до НАСА да се насочи на „многу поголеми“ мисии од испраќањето на жена на Месечината, како што е патувањето на Марс.