Исполнети со радост, по Божествена литургија во чест на Мајката Божја, ја користам приликата да им го честитам на сите православни Христијани и на сите Христијани воопшто, големиот празник Успение на Пресвета Богородица, вели во својата честитка по повод празникот Успение на Пресвета Богородица, премиерот Зоран Заев.

Го славиме со добрина, со радост, со љубов, затоа што отсекогаш така се славел. По тоа и го знаеме Празникот и треба секој ден да продолжиме да живееме, со добрина, со радост, со љубов. Нема проблем, нема предизвик, којшто не можеме да го совладаме ако пристапиме со добрина, со љубов, со радост.

Во името на тоа, да го живееме секој ден, да си помагаме, да си подаваме рака еден на друг, секогаш пристапувајќи еден со друг со добрина, со радост и со љубов. Нека е честит големиот празник Успение на Пресвета Богородица!“

Премиерот Заев денеска присуствуваше на црковна литургија во манастирот „Св. Леонтиј“ во Водоча.