Раководството на Барселона вчеравечер на стадионот „Камп ноу“ претстави статуа во чест на легендата на каталонскиот клуб Јохан Кројф. Бронзената скулптура е со висина од 3,5 метри, а тежи околу 3.500 килограми.

Статуата е изработена од холандската скулпторка, Кори Амерлаан, која посвети четири месеци на нејзиното создавање.

Кројф играше за Барселона од 1973 до 1978 година. Заедно со екипата стана шампион на Шпанија (1973/74) и освојувач на купот (1977/78). Подоцна, од 1988 до 1996 година беше тренер на Барселона. Под негово водство, клубот четири пати ја освои Примера (1990/91, 1991/92, 1992/93, 1993/94) и стигна до Суперкупот на УЕФА (1992).

Кројф почина во 2016 година на 68-годишна возраст од рак на белите дробови.