Вработени во Гугл ширум светот ги напуштаат работните места во знак на протест поради начините на кои компанијата постапува кон жените, со барање за неколку клучни промени во постапките на фирмата во случаи на тужби за сексуално вознемирување.

Вработените бараат да се прекине присилната арбитража – потег што би им овозможил на жртвите да поднесат тужби. Извршниот директор на компанијата, Сундар Пичаи, им се обрати на вработените дека го поддржува нивното право на акција.

Бесот во компанијата имаше експанзија минатата недела кога на еден од извршните директори на висока позиција му биле исплатени 90 милиони долари откако ја напуштил формата и покрај тоа што Гугл ги сметал за „веродостојни” наводите за сексуално злоставување против него.

Енди Рубин, познат како креатор на Андроид ОС за мобилни уреди ги негира наводите. Во вторникот и друг извршен директор од истражувачка лабораторија Икс, исто така поднесе оставка. Ричард Диваул направил несоодветен потег кон жена која неодамна била интервјуирана за работа, по што таа го пријвила. Тој не го коментира случајот откако се повлече, но претходно го нарече инцидентот „грешка во пресудата“.

Најмалку 48 вработени се отпуштени поради сексуално злоставување без исплата. Принудната арбитража е заедничка клаузула за вработените во Силиконската долина и бара секој спор да се решава интерно, а не да се оди по судови.