Париз денеска ќе биде домаќин на повеќе од 70 шефови на држави од целиот свет по повод стогодишнината од крајот на Првата светска војна и потпишувањето на Мировниот договор на 11 ноември 1918 година.

Меѓу светските лидери присутни ќе бидат американскиот и рускиот претседател, Доналд Трамп и Владимир Путин, германската канцеларка Ангела Меркел и многу други.

Денот ќе го одбележат повеќе манифестации, а главната веќе започна пред Триумфалната капија, каде со највисоките воени почести на присутните ќе им се обрати францускиот претседател Емануел Макрон. Тој треба да говори пред гробот на непознатиот јунак точно во 11 часот, времето кога пред 100 години е потпишано примирјето.