Авион на индонезиската компанија „Лајон ер” со 189 патници и членови на екипаж ноќеска се урна во море само 13 минути откако полетал од Џакарта.

Индонезиската авиокомпанија соопшти дека сосема новиот авион, кој се упатил кон Пангкал Пинанг на остров кај Суматра превезувал 181 патник, меѓу кои едно дете и две бебиња, како и осум членови на екипаж.

Агенцијата за катастрофи на Индонезије на Интернет објави фотографии од скршени телефони, уништени книги, багаж и делови од авионот кои ги собрале бродовите што учествуваат во спасувачката операција.

Индонезиската телевизија емитуваше снимки на кои се гледа излеано гориво и остатоци од леталото.

Пријателите и роднините на патниците се молат и чекаат на аеродромот во Пангкал Пинанг.

Националната агенција за пребарување и спасување соопшти дека околу 300 луѓе, меѓу кои и војници, полицајци и локални рибари учествуваат во потрагата и оти до сега не е пронајдено ниту едно тело, туку само лични предмети на патниците и остатоци од авионот.

Се работи за авион „Боинг 737 макс 8″ кој на „Лајон ер” му бил испорачан во август. Агенциите потенцираат дека ова е права фатална несреќа на тој тип авион.

Инаку, екипажот на авионот побарал леталото да се врати во Џакарта непосредно пред да биде изгубен контакт со него. Диспечерите дозволиле авионот да се врати, но тогаш бил изгубен контакт со него, додаде Сирајт. Контактот е изгубен 13 минути по полетувањето на авионот.

Шефот на националната агенција за пребарување и спасување на Индонезија, Мухамед Сјауги претходно изјави дека се верува оти трупот на авионот е на дното на морето на длабочина од околу 35 метри.