Во градскиот совет на Малага, Шпанија, денес со минута молчење му се одаде почит на починатиот двегодишен Хулен кој на 13 јануари годинава пропадна во една нелегална бушотина за вода.

Момчето пропадна во тесниот отвор на длабочина од 110 метри.

Од тогаш почна една од најдрамтичните спасувачки операции, која за голема жал на семејството и на целиот свет кој од час во час ја следеше спасувачката акција на експертски тим рудари, заврши со трагичен крај.

Цела Шпанија е со семејствотото на Хулен – беше испратена првата порака откако беше соопштено оти Хулен не е повеќе жив. Спасителите го пронајдоа телото на двегодишното дете во 1.25 часот ноќеска.

 

Истрагата сега треба да покаже како и зошто била ископана таа бушотина за вода и зошто не била обезбедена. Медиумите наведуваат дека такви длабоки нелегални канали низ кои се бара бунарска вода, има многу низ Шпанија.

Хуан, какло што е утврдено во прелиминарната истрага, бил во слободен пад цели 71 метри. Несреќата се случила во планинскиот дел на Андалузија, во градот Тоталан, каде семјствотот на Хулен било на гости кај роднини.

Спасувачката операција била дополнително отежната затоа што се работело на каменест терен. А, бидејќи бушотината била многу тесна за низ неа да влезе возрасен човек, морало да се купа канал покрај бушотината, за на тој начин да се допре до настраданото дете.